စစ်ရေးတိုက်ခိုက်ခံရချိန် ကာကွယ်ပုံ၊ ကာကွယ်နည်းတွေကို ယူကရိန်းကျောင်းသားများ ကြိုတင်လေ့လာထား

CBS News၊ ဖေဖော်ဝါရီ ၂၃
ယူကရိန်းနိုင်ငံပေါ် ရုရှားရဲ့ကျူးကျော်တိုက်ခိုက်မှုကို ကြိုတင်တွက်ဆထားခဲ့တဲ့ ယူကရိန်းတာဝန်ရှိသူတွေနဲ့ ယူကရိန်းပြည်သူတွေက စစ်ရေးတင်းမာချိန်ကတည်းက စစ်ရေးတိုက်ခိုက်ခံရချိန် ကိုယ့်ကိုယ်ကိုယ်ကာကွယ်ပုံ၊ ကာကွယ်နည်းတွေနဲ့ ဘယ်လိုရှင်သန်နေထိုင်ရမလဲဆိုတာ စာသင်ကျောင်းတွေမှာ စတင်သင်ကြားပေးခဲ့တယ်လို့ Reuters သတင်းဌာနရဲ့သတင်းအရင်းအမြစ်အရ သိရပါတယ်။

စစ်မဖြစ်ခင် Kharkiv မြို့က စာသင်ကျောင်းတစ်ကျောင်းမှာ ဖောက်ခွဲရေးပစ္စည်းအမျိုးမျိုးကို ဖော်ထုတ်နည်း၊ ကျည်ကာအင်္ကျ ီအသုံးပြုနည်းနဲ့ ကျည်ကာဦးထုပ်တွေအကြောင်း ကျောင်းသား၊ ကျောင်းသူတွေသင်ယူနေပုံကို ကိုယ်တိုင်မြင်တွေ့ခဲ့ရတယ်လို့ သတင်းဌာနကဆိုပါတယ်။ အလားတူ စစ်ဖြစ်ချိန်ဘေးလွတ်ရာကိုရွေ့ပြောင်းခြင်းဆိုင်ရာ လေ့ကျင့်မှုတွေနဲ့ ရှေးဦးသူနာပြုနည်းတွေကိုလည်း တာဝန်ရှိသူတွေက လေ့ကျင့်သင်ကြားပေးခဲ့ပါတယ်။

ယူကရိန်းအရပ်ဘက်ကာကွယ်ရေးဆိုင်ရာ အထူးကျွမ်းကျင်သူ Oleksandr Shevchuk က ဒေသတွင်းမှာ ဒီသင်ခန်းစာတွေက စာသင်ကျောင်းတွေမှာ ရေပန်းစားလာခဲ့ကြောင်း၊ ဇန်နဝါရီလတည်းက နိုင်ငံတစ်ဝှမ်း လိမ်လည်ဗုံးသတိပေးချက်တွေ ဆက်တိုက်ဖြစ်ပွားခဲ့ပြီးနောက် Kyiv မြို့က ကျောင်းသား၊ ကျောင်းသူတွေလည်း ဒီသင်ခန်းစာတွေကို သင်ယူခဲ့ပြီးကြောင်းဆိုပါတယ်။
“နောက်ပြီး အခုဆိုဒီသင်ခန်းစာတွေကို ကလေးတွေအတွက် မကြာခဏသင်ကြားဖြစ်ပါတယ်။ ဒါက ဘုရားသခင်းတားမြစ်ထားတဲ့ ကလေးတွေထိခိုက်ဒဏ်ရာရတာတွေ၊ သေဆုံးခြင်းတွေကနေ ကာကွယ်ဖို့ပါ” လို့ Shevchuk ကဆိုပါတယ်။

ဒီသင်ခန်းစာသင်ကြတဲ့ကျောင်းသား၊ ကျောင်းသူတွေ ဆရာ၊ ဆရာမတွေက ထိတ်လန့်မှုတွေကနေ ရှောင်ရှားလိုကြတဲ့အတွက်ရော သူတို့တွေ အတတ်နိုင်ဆုံးပေါ့ပေါ့ပါးပါးကျော်လွှားနိုင်အောင် ကြိုးစားနေချင်တဲ့အတွက် သင်ယူခဲ့ကြတာပါလို့ သူက ထပ်လောင်းပြောကြားခဲ့ပါတယ်။

“ကျွန်တော်တို့က ဒီပစ္စည်းတွေကိုသူတို့ကိုပြတယ်။ ပစ္စည်းတွေနဲ့ပတ်သက်ပြီး ရှင်းပြတယ်။ ကျွန်တော်တို့ဝတ်စုံတွေမှာ စမ်းပြတယ်။ ကျည်ကာအင်္ကျ ီတွေလို ကျည်ကာဦးထုပ်တွေလိုပစ္စည်းတွေကိုပေါ့” ၊ “ပေါက်ကွဲစေတဲ့ပစ္စည်းတွေကို သူတို့သိအောင်ပြတယ်။ ဒါတွေကိုသိသွားရင် ဘယ်လိုရှောင်ရှားရမယ်ဆိုတာ သူတို့နားလည်သွားမှာပါ” လို့ Shevchuk ကပြောပါတယ်။

အသက် (၁၅) နှစ်အရွက်ကျောင်းသူလေး Arina Cherkasova က ကျည်ကာအင်္ကျ ီဝတ်တာမမှန်တာကို instructors က ကူညီပေးခဲ့ပြီး လိမ္မော်ရောင် ကိုဆောင်းပေးလိုက်ပါတယ်။ သူမက “ဝတ်စုံကအရမ်းလေးတယ်။ သူငယ်ချင်းတွေရှေ့မှာဝတ်ရတာ ရယ်စရာတော့ကောင်းတယ်” လို့ပြောခဲ့ပါတယ်။
Translate by Scholarship Announcements