Duolingo English Test မဖြေခင်သိထားရမယ့်အချက်များ

Duolingo English test desktop app ကို ကြိုတင် download လုပ်ထားပါ။ Test ကို app ကနေပဲ ဖြေဆိုရမှာပါ။

တိတ်ဆိတ်ပြီး သက်တောင့်သက်သာဖြစ်တဲ့ နေရာမျိုးကို ကြိုရှာထားပါ။ Test ဖြေဆိုတဲ့အချိန် ဘေးနားမှာဘယ်သူမှမရှိရမှဖြစ်သလို ဆူညံသံတွေနဲ့ဝေးရာမှာဖြစ်ရပါမယ်။ (နားကြပ်မသုံးရတဲ့အတွက် ဘေးပတ်ဝန်းကျင်ဆူညံသံတွေနဲ့ဆို speaking test ဖြေဆိုရာမှာ အဆင်မပြေဖြစ်နိုင်ပါတယ်)

ကင်မရာကို Test ဖြေတဲ့တစ်လျှောက်လုံးဖွင့်ထားရပါမယ်။

ဖြေဆိုသူရဲ့ identity ကိုပြဖို့ ID ကဒ်ကြိုတင်ယူထားပါ။

စားပွဲပေါ်မှာ စာရွက်၊ ဘောပင် မထားရပါ။ Test ဖြေတဲ့ကွန်ပျူတာမှာ chrome နဲ့တခြား program တွေ ဘာမှဖွင့်ထားလို့မရပါဘူး။

မေးခွန်းတွေကို သဘာဝကျကျဖြေဆိုပါ။ ကိုယ်ကြိုတင် practice လုပ်ထားတဲ့မေးခွန်းနဲ့ ဆင်တူတာမျိုးပါလို့ စာကျက်ဖြေသလိုဖြေတာမျိုး မဖြေမိဖို့အရေးကြီးပါတယ်။

အင်တာနက်ကောင်းတဲ့နေရာမျိုးကို ကြိုရှာထားပါ။ ဖြေဆိုနေချိန် လိုင်းမပြတ်တောက်မိဖို့ သတိထားပါ။

ဖြေဆိုသူတိုင်းအတွက် Dos and Don’ts အသေးစိတ်နဲ့ Duolingo English Test ရဲ့ question types တွေအကြောင်းကို Official guide pdf ထဲမှာသေချာပြောပြထားပါတယ်။ ဖြေဆိုမယ့်သူတိုင်း ဒီ guide book ကို ကြိုတင်ဖတ်ထားစေချင်ပါတယ်။