စာကြည့်တိုက်ကဏ္ဍအတွက် စာအုပ်အညွှန်းမရေးရတာကြာနေပြီမို့လို့ ဒီတစ်ခါတော့ Weekend မှာ ဖတ်လို့ကောင်းမယ့်စာအုပ်လေးတွေ ညွှန်းပေးချင်ပါတယ်။ စာညွှန်းရေးတဲ့သူရဲ့အကြိုက်ကို ညွှန်းထားပေမယ့် စာဖတ်သူတွေလည်း ကြိုက်မယ်လို့ ထင်ပါတယ်။ အချစ်ပုံပြင် [မောင်မိုးသူ] ဘာသာပြန်စာအုပ်ဆိုပေမယ့် ဘယ်အချိန်ပဲဖတ်ဖတ်ရိုးမသွားတဲ့ စာအုပ်လေးပါ။ စာရေးဆရာကြီး Erich Segal ရဲ့ Love Story စာအုပ်က တချိန်က ဟိုးလေးတကျော်ကျော်အောင်မြင်ခဲ့တဲ့လူငယ်အချစ်ဇာတ်လမ်းလေးဆိုပေမယ့် အခုချိန်ပြန်ဖတ်လည်း ရိုးမသွားဘဲ ရသအစုံခံစားမိတဲ့ စာအုပ်လေးဖြစ်ပါတယ်။ အလုပ်ပိတ်ရက်၊ ကျောင်းပိတ်ရက်နဲ့ လိုက်ဖက်လွန်းတဲ့စာအုပ်လို့ပဲ မြင်မိပါတယ်။ ဇာတ်လမ်းကျောရိုးကတော့ ဟားဗက်တက္ကသိုလ်ရဲ့အချစ်ဇာတ်လမ်းလေးပေါ့။ ကိုရီးယားမှာတောင် ဒါကို ဇာတ်လမ်းတွဲအရှည်ပြန်ရိုက်ထားတာ ကြည့်ဖူးသလိုပဲ။ ကြာပြီဆိုတော့ သိပ်မမှတ်မိတော့ဘူး။ မြန်မာဘာသာပြန်ဆိုသူ ဆရာ မောင်မိုးသူရဲ့လက်ရာနဲ့ ပြန်ခံစားကြည့်ခွင့်ရတာလည်း ကျွန်မအတွက်တော့ စာပေမှတ်တိုင်တစ်ခုလိုပါပဲ။ ကမ္ဘာကြီးဇောက်ထိုးမိုးမျှော် [ဝင်းငြိမ်း] မြန်မာ-အိုင်းရစ်ရှ်ကပြား စာရေးဆရာမရဲ့ စစ်အတွင်းမြန်မာနိုင်ငံမှာနေခဲ့ရတဲ့ သူ့ဘဝအစိတ်အပိုင်းအကြောင်းကို ပြောပြထားတဲ့ … Continue reading Weekend Books Collection_Scholarship Announcements
Book of the Week_Deaf Republic by IIya Kaminsky
SA Library က စာအုပ်အညွှန်းတွေကြည့်ရင် နည်းနည်း heavy တွေပဲ များနေလို့ ဒီနေ့တော့ ကဗျာစာအုပ်ပဲရွေးလိုက်ပါတော့တယ်။ ကဗျာစာအုပ်ဆိုပေမယ့် အဲဒီထဲက ကဗျာတွေက ကျွန်မတို့ပြည်သူတွေ အခုခံစားနေရတဲ့အရာတွေနဲ့ ထပ်တူကျနေတော့ ကဗျာဖတ်ရင်း၊ မျက်ရည်ဝဲရင်းဖတ်ရမှာပါနော်။ ပျက်စီးနေတဲ့နိုင်ငံထဲက ပြည်သူတွေရဲ့ ဝမ်းနည်းဖွယ်ရာမြင်ကွင်းတွေ၊ ခံစားချက်တွေကိုကွက်ကွက်ကွင်းကွင်းမြင်အောင် ကဗျာကနေပုံဖော်ပေးလိုက်တဲ့သူက ကဗျာဆရာ Ilya Kaminsky ပါ။ သူ့ရဲ့ "Deaf Republic" ကဗျာစာအုပ်ကို ဆရာသူရိန်ဝင်းကနေ "နားမကြားနိုင်ငံတော်" အဖြစ်ဘာသာပြန်ထားပြီး ဒီနေ့တော့ဒီကဗျာစာအုပ်ထဲက ကဗျာတချို့ကို ထုတ်နှုတ်ဖော်ပြရင်း စာအညွှန်းရေးလိုက်ပါတယ်။ ရဲကပစ်လိုက်တဲ့ကောင်လေး ပလက်ဖောင်းမှာနာရီများစွာ လဲဆန့်နေတဲ့တိုင်းပြည်ဟာ ငါတို့တိုင်းပြည်။ ဟနေတဲ့ သူ့ပါးစပ်မှာတစ်တိုင်းပြည်လုံးရဲ့ အတိုင်းသားအဖြစ်ကိုငါတို့ မြင်ရတယ်။ ငါတို့ ကြည့်တယ်။ အခြားသူတွေ ကြည့်တာကြည့်တယ်။ ကောင်လေးတစ်ယောက်ရဲ့ ရုပ်ခန္ဓာအတိုင်း တစ်သဝေမတိမ်း ကောင်လေးရဲ့ရုပ်ခန္ဓာပလက်ဖောင်းမှာ လဲစင်းနေတယ် … Continue reading Book of the Week_Deaf Republic by IIya Kaminsky
Book of the Week_Around the World in Eighty Days
_Jules Verne ရဲ့ 'Around the world in eighty days' စာအုပ်ရော၊ ရုပ်ရှင်ပြန်ရိုက်ထားတဲ့နာမည်ကျော်ရုပ်ရှင်ကိုရော ကြားဖူးတာတော့ကြာပါပြီ။ အလွယ်တကူမမြင်မိတော့မဖတ်မိ မကြည့်ဖူးခဲ့ပါဘူး။ အခုနောက်ပိုင်း ebook တွေလိုက်စုရင်း ဒီစာအုပ်လေးတွေ့တာနဲ့ download လုပ်ထားခဲ့ပြီး အားရင်အားသလိုဖတ်နေခဲ့တာပါ။ အကုန်မပြီးသေးပေမယ့် ပြင်သစ်စာရေးဆရာ Jules Verne ရဲ့စာအုပ်ကောင်းတစ်ကောင်းဆိုတာကတော့ သေချာပြောနိုင်ပါတယ်။ Phileas Fogg က ရက် ၈၀ နဲ့ကမ္ဘာ့ဘယ်လိုပတ်လဲဆိုတာကတော့ ကိုယ်တိုင်ဖတ်ရှု့ခံစားကြည့်လိုက်ပါ။ Download: Around the world in eighty days
Scholarship Announcements 